الحیات نیوز سروس 

رانچی،15؍جون:وزیر اعلیٰ ہیمنت سورین اور ان کی اہلیہ اور گانڈے کے ایم ایل اے کلپنا سورین نے شیبو سورین کو فادر ڈے پر مبارکباد دی ہے۔ اس موقع پر دونوں جذباتی نظر آئے۔ دونوں نے اپنے اپنے سوشل میڈیا ہینڈل سے دیشوم گرو کے ساتھ تصویر شیئر کی ہے۔ انہوں نے تصویر کے ساتھ ایک پیغام بھی لکھا ہے۔سی ایم ہیمنت سورین نے فادرز ڈے پر ایک پوسٹ شیئر کرتے ہوئے لکھا، "باپ ایک برگد کا درخت ہے، جس کی چھاؤں میں اعتماد بڑھتا ہے۔ اور زندگی کا ہر لمحہ جڑوں سے سیکھنے کے ساتھ معنی خیز ہو جاتا ہے۔ میرے گرو، میرے رہنما میرے بابا محترم دیشوم گروجی ہیں۔ آج فادرز ڈے کے موقع پر سب کو بہت بہت مبارکباد، نیک خواہشات اور جوہار۔"گانڈے کی ایم ایل اے کلپنا سورین نے بھی فادرز ڈے کی مبارکباد دی۔ ایک پوسٹ میں، انہوں نے اپنے والد امپا مرمو، سسر شیبو سورین اور ان کے والد ہیمنت سورین کی بچوں کے ساتھ ایک تصویر شیئر کی۔ پوسٹ میں انہوں نے لکھا، "باپ ایک بنیاد کی مانند ہیں، جو خود مضبوطی سے کھڑے ہو کر ہمارے خوابوں کی عمارت کو بلندی عطا کرتے ہیں۔ چاہے کتنی ہی جدوجہد کیوں نہ ہو، والد کی موجودگی ہمت کی طرح ہمارے ساتھ جاتی ہے۔ فادرز ڈے کے اس خاص موقع پر سب کو دلی مبارکباد، نیک خواہشات اور جوہار۔