الحیات نیوز سروس 

   رانچی،14؍جون: وزیراعلی ہیمنت سورین سے سیدو کانہو مرمو یونیورسٹی، دمکا کے سابق وائس چانسلر ڈاکٹر سوناجھریا منج نے آج کانکے روڈ، رانچی میں واقع وزیراعلیٰ کے رہائشی دفتر میں ملاقات کی۔ اس موقع پر وزیراعلیٰ نے ڈاکٹر سوناجھریا منج کو یونیسکو کا شریک چیئرپرسن مقرر ہونے پر مبارکباد دی۔ وزیراعلیٰ نے اس یقین کا اظہار کیا کہ ڈاکٹر سوناجھریا منج یونیسکو کی شریک چیئرپرسن کے طور پر کام کرتے ہوئے قبائلی زبان، ثقافت، ورثے جیسے اہم پہلوؤں کو تقویت دیں گے۔ وزیر اعلیٰ نے کہا کہ میں آپ کو جھارکھنڈ کے تمام لوگوں اور خاص طور پر قبائلی برادری کی طرف سے نیک خواہشات پیش کرتا ہوں۔ ریاست کی قبائلی برادریوں کے لیے یہ بڑے فخر کی بات ہے کہ آپ کا کام قبائلی برادری کے مسائل، ان کے حق خود ارادیت اور علمی نظام کو عالمی سطح پر پلیٹ فارم فراہم کرے گا۔