الحیات نیوز سروس 

رانچی، 28 اپریل: جھارکھنڈ ہائی کورٹ میں راجندر انسٹی ٹیوٹ آف میڈیکل سائنسز (آر آئی ایم ایس) کے ڈائریکٹر ڈاکٹر راج کمار کی برطرفی کو چیلنج کرنے والی ایک عرضی پر سماعت کرتے ہوئے جسٹس دیپک روشن کی سنگل بنچ نے 17اپریل 25 کے حکم کو فوری اثر سے معطل کر دیا ہے۔ اس کے علاوہ عدالت نے ریاستی حکومت اور دیگر کو نوٹس جاری کرنے اور حلف نامہ کے ذریعے جواب داخل کرنے کی ہدایت دی ہے۔ اس معاملے کی تفصیلی سماعت آئندہ منگل 6 مئی کو ہوگی۔ قابل ذکر ہے کہ آر آئی ایم ایس کے ڈائریکٹر ڈاکٹر راج کمار کو وزیر صحت عرفان انصاری نے 17 اپریل 2025 کو دیر رات ایک حکم نامہ جاری کرتے ہوئے فوری اثر سے آر آئی ایم ایس کے ڈائریکٹر کے عہدے سے ہٹا دیا تھا۔ اس کے بعد، آر آئی ایم ایس کے ڈین ڈاکٹر ششی بالا سنگھ نے 18 اپریل 2025 کو سہ پہر3بجے ایگزیکٹو انتظامات کے تحت آر آئی ایم ایس کے انچارج ڈائریکٹر کا عہدہ سنبھال لیا تھا۔