الحیات نیوز سروس 

     رانچی،13؍اپریل:وزیر اعلیٰ ہیمنت سورین نے ریاست کے طلباء کو دیے جانے والے اسکالر شپ کو لے کر بڑا اعلان کیا ہے۔ محکمہ بہبود کا جائزہ لیتے ہوئے عہدیداروں کو ہدایت دی گئی ہے کہ وہ 8 مئی 2025 تک پری میٹرک اسکالر شپ کی رقم ادا کریں۔ عہدیداروں کو سخت ہدایات دی گئی ہیں کہ اسکالرشپ کی ادائیگی کسی بھی حالت میں التوا میں نہیں رہنی چاہئے۔ یہ ہدایت تمام محکموں کے افسران کے ساتھ میٹنگ میں دی گئی۔درج فہرست قبائل، درج فہرست ذات، اقلیت اور پسماندہ طبقے کے بہبود کے محکمے کا جائزہ لیتے ہوئے، سی ایم ہیمنت سورین نے افسران کو ہدایت دی کہ کلاس 1 سے 10 تک کے طلباء کو وقت پر اسکالرشپ کی ادائیگی کی جائے۔ سی ایم نے اسکالرشپ کے لیے موصول ہونے والی تمام درخواستوں کی جانچ کرنے کی ہدایت دی۔ تصدیق کریں اور اہل طلباء کو اسکالرشپ ادا کریں۔ درخواست کسی بھی حالت میں زیر التوا نہیں رہنی چاہیے۔ چیف منسٹر نے عہدیداروں کو محکمہ بہبود کے تمام ہاسٹلوں کی مرمت کے لئے ڈیٹا بیس تیار کرنے کی ہدایت دی ہے۔ ہاسٹلز کی مرمت کے لیے ضلعی سطح پر ایک مشترکہ ٹیم تشکیل دے کر ایک جامع ڈیٹا بیس تیار کرنے کو کہا گیا ہے۔ ڈپٹی کمشنر کو ہاسٹل کی مرمت کے کام کو ترجیح دینے کی بھی ہدایت کی گئی ہے۔