الحیات نیوز سروس 

رانچی، 11 اپریل : ہندوستان کے چیف الیکشن کمشنر گیانیش کمار کا آج جھارکھنڈ کے چیف الیکٹورل آفیسر کے روی کمار نے رانچی کے برسا منڈا ہوائی اڈے پر استقبال کیا۔اس موقع پر ایڈیشنل چیف الیکٹورل آفیسر ڈاکٹر نیہا اروڑہ، ریاستی پولیس نوڈل آفیسر اے وی ہومکر، رانچی کے ڈپٹی کمشنر منجوناتھ بھجنتری اور الیکشن سے متعلق دیگر عہدیدار موجود تھے۔  جھارکھنڈ کے اپنے تین روزہ دورے کے دوران، چیف الیکشن کمشنر 12 اپریل کو راجرپا میں سی سی ایل گیسٹ ہاؤس میں انتخابات میں حصہ لینے والے رضاکاروں کے ساتھ اپنے تجربات شیئر کریں گے۔ 13 اپریل کو وہ دشم آبشار کے احاطے میں دشوار گزار علاقوں کے بی ایل اوز کے ساتھ بات چیت کریں گے۔