ہر کسی کے لب پہ ہے ذکر شہادت آج کل

چل رہی ہے دشمنوں سے جوعداوت آج کل

اپنے مطلب کے لیے مہمان کا اعزاز ہے

کون کرتا ہے یہاں دل سے ضیافت آج کل

رہنمائے دین کی بھی آبرو خطرے میں ہے

خوف ہے کردے نہ کوئی اب شرارت آج کل

کون ہوگا اگلےسی ایم کی شکل میں تخت پر

روز وشب ہونے لگی اس کی سیاست آج کل

زخم پر نشتر لگاؤ منہ سے داغو گولیاں

راج نیتی میں نہیں کچھ بھی قباحت آج کل

ہر کوئی دینے لگا ہے عالموں کو مشورہ

چھوڑ کر شرم وحیا کیجےتجارت آج کل

مت کرو تکیہ کسی پر رہزنوں کے شہر میں

بال بچوں کی کرو خود ہی حفاظت آج کل

کیوں نہ دوں اس دور میں ان کو مبارکباد میں

تھوڑی اجرت میں جو کرتے ہیں امامت آج کل

یہ جہاں فانی ہے سب کچھ خاک میں مل جائے گا

اپنے مولی کی کرو احسن عبادت آج کل