چونچ گیاوی
8507854206
یہ سوچ سوچ کے حیران عقل ہے میری
کریں گے کیسے بتاؤ چراغ سے وہ علاج
یہ ایک چینی سے امریکی نے کہا اک دن
ضرور رہتاہے ان میں بھی جاہلوں کا سماج
۔۔۔۔۔۔۔۔۔۔۔۔۔۔۔۔۔۔۔۔
کروناسے پریشاں آدمی سے ڈاکٹر بولا
کہاں بیکار میں مہنگی دوائیں اتنی کھائے گا
کراسن تیل لےلےہاف لیٹر اور گھرجاکر
جلادےشام سے دیپک کرونا بھاگ جائےگا
۔۔۔۔۔۔۔۔۔۔۔۔۔۔۔۔۔۔۔۔۔۔
سب اپنے اپنے گھر میں ہیں قیدی بنے ہوئے
ہوتی نہیں کسی کو کسی کی یہاں ہے دید
ماحول پر کورونا کا ایسا اثر ہے چونچ
پھیکی رہے گی دیسیوں پردیسیوں کی عید
۔۔۔۔۔۔۔۔۔۔۔۔۔۔۔۔۔۔۔۔۔۔۔
پابندیاں ہیں چونچ کورونا کی ہرطرف
گھر میں رہوں گا دوستوں کی دید نہ ہوگی
کپڑے نئے پہن کے بھلا کیا کروں گا میں
تجھ سے ملے بغیر مری عید نہ ہوگی
۔۔۔۔۔۔۔۔۔۔۔۔۔۔۔۔۔۔۔۔۔۔۔
کہا پنڈت نے مولانا سے اک دن
ہوا ہے فیل جنتر اور منتر
ملے گی فیس منھ مانگی مجھے دیں
کورونا کےلئے تعویذ لکھ
۔۔۔۔۔۔۔۔۔۔۔۔۔۔۔۔۔۔۔۔۔۔۔
پنڈت ہوں،مولوی ہوں کہ اوجھا یا ڈاکٹر
کیا اہلیت ہے ان کی یہ پل بھر میں جان لی
ہنستے ہوئے کورونا نے اک روز یہ کہا
ہم نے بڑے بڑوں کی یہاں پول کھول دی
۔۔۔۔۔۔۔۔۔۔۔۔۔۔۔۔۔۔۔۔۔۔۔
لگی تھی بھیڑ مولانا کے در پر
پریشاں حال اک بچہ نے پوچھا
کہیں گے جتنا نذرانہ میں دوں گا
کورونا کے لئے تعویذ ہے کیا ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔
پریشاں حال مزدوروں نے پوچھا مولوی صاحب
بتائیں لاک ڈاؤن فائیو بھی کیا گل کھلائے گا
کہا یہ مولوی صاحب نے کہ نذرانے میں مجھ کو
اکاون سو روپئے دے دو کورونا بھاگ جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بچہ بچہ کہہ رہاہے چونچ جی
کتنا غافل اپنا پہریدار ہے !
گھس گیا کیسے کورونا سوچئیے
جبکہ موذی اپنا چوکیدار ہے
