الحیات نیوز سروس 

    رانچی،09؍جولائی: مشرقی زونل کونسل کی 27ویں میٹنگ 10 جولائی 2025 کو صبح 11 بجے سے ریڈیسن بلو ہوٹل، رانچی میں منعقد ہوگی۔ مرکزی وزیر داخلہ امیت شاہ کی صدارت میں ہونے والی اس اہم میٹنگ میں جھارکھنڈ، بہار، اڈیشہ اور مغربی بنگال کے نمائندے شرکت کریں گے۔ جھارکھنڈ کے وزیر اعلیٰ ہیمنت سورین نائب صدر کے طور پر شرکت کریں گے۔

اس اہم نشست میںجو اہم رہنما شریک ہوں گے ان میں بہار: وزراء وجے چودھری اور سمراٹ چودھری۔اڈیشہ: وزیر اعلیٰ موہن چرن مانجھی، نائب وزیر اعلیٰ پاروتی پریدا، اور وزیر مکیش مہلنگ۔مغربی بنگال: وزیر چندریما بھٹاچاریہ- کل 68 نمائندے، جن میں چار ریاستوں کے چیف سکریٹریز، سینئرحکام اور مرکزی وزارتوں کے 199 نمائندے شامل ہوں گے۔

جھارکھنڈ کے ممکنہ مطالبات

مرکز سے 1.36 لاکھ کروڑ روپے کے واجبات کا مطالبہ،نکسل سے متاثرہ اضلاع کے لیے خصوصی مرکزی امداد بحال کرنا،پسماندگی اور غذائی قلت کو دور کرنے کے لیے خصوصی پیکج،10 دسمبر 2023 کو ہونے والی آخری میٹنگ کی کارروائی پر تبادلہ خیال۔

دوسرے ایجنڈے

 بہار اور جھارکھنڈ کے درمیان بہار اسٹیٹ کنسٹرکشن کارپوریشن لمیٹڈ کے اثاثوں اور واجبات کی تقسیم پر تبادلہ خیال۔

میورکشی اور اندرا پوری پانی کا تنازعہ۔بجلی کی تقسیم کے نظام میں نقصانات کو کم کرنا۔شہری ماسٹر پلان، اسکول چھوڑنے کی شرح، اور غذائیت کی مہم۔نکسل ازم، سرحدی سیکورٹی، اور بینکنگ سہولیات کی حیثیت۔خواتین اور بچوں کے خلاف جنسی جرائم کی تحقیقات دو ماہ میں مکمل کرنے پر زور دیا۔

رانچی کے ڈپٹی کمشنر منجوناتھ بھجنتری نے ہوٹل میں میٹنگ روم اور مندوبین کے لیے رہائش کے انتظامات کا جائزہ لیا۔ بغیر پاس کے ہوٹل میں داخلہ ممنوع ہے، اور راستوں پر رکاوٹیں لگا کر سخت حفاظتی چیکنگ کی گئی ہے۔ میڈیا گیلری ہوٹل کے باہر ہو گی، اور میٹنگ شروع ہونے پر فوٹوگرافروں کو مختصر مدت کے لیے رسائی کی اجازت دی جا سکتی ہے۔ ظاہر ہے، حکمراں پارٹی اور اپوزیشن اس میٹنگ سے جھارکھنڈ کے لیے خصوصی امداد اور ترقیاتی اسکیموں کی توقع کر رہے ہیں۔ بی جے پی کے میڈیا انچارج شیو پوجن پاٹھک نے کہا کہ یہ میٹنگ ترقی یافتہ ہندوستان کی قرارداد کو پورا کرنے میں سنگ میل ثابت ہوگی۔ انہوں نے جھارکھنڈ کے معدنی وسائل، مزدور قوت اور ثقافتی ورثے کو ترقی میں شامل کرنے کی ضرورت پر زور دیا۔