نئی دہلی، 13 مئی (یو این آئی) سنٹرل بورڈ آف سیکنڈری ایجوکیشن (سی بی ایس ای) نے منگل کو 10ویں اور 12ویں جماعت کے امتحان کے نتائج کا اعلان کیا جس میں بالترتیب 93.66 فیصد اور 88.39 فیصد امیدوار کامیاب قرار پائے ہیں۔ نتائج کے تجزیے کے مطابق دسویں اور بارہویں جماعت کے دونوں امتحانات میں لڑکیوں نے لڑکوں کو پیچھے چھوڑ دیا ہے۔ 95 فیصد طالبات نے دسویں جماعت کا امتحان پاس کیا ہے جبکہ طلبا کی کامیابی کا تناسب 92.63 ہے۔ 12ویں جماعت میں لڑکیوں کی کامیابی کا تناسب 91 فیصد ہے جو کہ لڑکوں کے مقابلے 5.94 فیصد زیادہ ہے۔ اس بار دسویں جماعت کا امتحان پاس کرنے والے کل طلباء کا تناسب پچھلے سال کے مقابلے 0.06 فیصد زیادہ رہا۔ سی بی ایس ای نے ایک پریس ریلیز میں کہا کہ اس سال 22,388,27 طلباء نے کلاس 10 کے امتحان میں شرکت کی تھی جن میں سے 20,95,467 پاس ہوئے ہیں۔ 

ترواننت پورم 99.70 فیصد کی کامیابی کی شرح کے ساتھ 10ویں جماعت کے امتحان میں سرفہرست رہا، جب کہ آسام کے گوہاٹی میں صرف 84.14 فیصد طلبہ پاس ہونے میں کامیاب ہوئے۔ اہم مراکز میں گوہاٹی نے سب سے خراب کردگی کا مظاہرہ کیا ہے۔ ریلیز کے مطابق جواہر نوودے ودیالیہ (جے این وی) میں 10ویں جماعت کے امتحان میں طلباء کا پاس تناسب سب سے زیادہ 99.49 فیصد تھا۔ کیندریہ ودیالیاس (کے وی ایس) 99.45 فیصد کی کامیابی کی شرح کے ساتھ دوسرے نمبر پر رہے۔ پرائیویٹ (آزاد) اسکولوں نے بھی اچھی کارکردگی کا مظاہرہ کیا، امتحان دینے والوں کا پاس فیصد 94.17 فیصد رہا۔ سینٹرل تبتی اسکولوں (ایس ٹی ایس ایس) میں دسویں کلاس میں 91.53 فیصد طلباء پاس ہوئے، اور 89.26 فیصد طلباء سرکاری اسکولوں میں پاس ہوئے۔ سرکاری امداد یافتہ اسکولوں کے زمرے میں طلباء کا پاس فیصد 83.94 رہا۔ سی بی ایس ای کلاس 10 کا امتحان اس سال 15 فروری سے 18 مارچ کے درمیان منعقد ہوا تھا۔ سی بی ایس ای نے آج 12ویں جماعت کے  بھی نتائج جاری کیے، جس میں 88.39 فیصد طلبہ پاس ہوئے، جو کہ گزشتہ سال کے مقابلے 0.41 فیصد زیادہ ہے۔ بارہویں جماعت میں 91 فیصد لڑکیاں کامیاب ہوئیں اور ان کی کامیابی کا تناسب لڑکوں کے مقابلے 5.94 فیصد زیادہ ہے۔ اس سال سی بی ایس ای کا 12ویں کلاس کا نتیجہ پچھلے سال کے مقابلے 0.41 فیصد بہتر ہے۔ امیدواروں کا پاس فیصد 2024 میں 87.98 فیصد سے بڑھ کر 88.39 فیصد ہو گیا ہے۔ امتحان میں شامل ہونے والے 16,92,794 طلباء میں سے 14,96,307 کامیاب ہوئے۔ سی بی ایس ای کلاس 12 کے نتائج میں جواہر نوودے ودیالیہ (جے این وی) نے 99.29 فیصد امتحانی پاس ہونے کے فیصد کے ساتھ سرفہرست مقام حاصل کیا۔ کیندریہ ودیالیہ (کے وی) 99.05 فیصد کے ساتھ دوسرے نمبر پر رہے، جبکہ سنٹرل تبتی اسکول (ایس ٹی ایس ایس) نے بھی 98.96 فیصد پاس ہونے کے ساتھ شاندار کارکردگی کا مظاہرہ کیا۔ دیگر زمروں میں سرکاری امداد یافتہ اسکولوں کا پاس فیصد 91.57 فیصد اور سرکاری اسکولوں کا 90.48 فیصد رہا۔ اس بار، آزاد (پرائیویٹ) اسکولوں نے کچھ پیچھے رہتے ہوئے 87.94 فیصد کامیابی حاصل کی۔ ریلیز میں کہا گیا ہے کہ پریاگ راج کلاس 12 کے امتحان میں نتائج کی فہرست میں سب سے نیچے رہا، جس میں تقریباً 80 فیصد طلباء نے امتحان پاس کیا۔ سی بی ایس ای کلاس 10 ویں 2025 کے امتحانات 26675 اسکولوں کے 7837 مراکز پر منعقد ہوئے۔ امتحانات ہندوستان کے 7,842 مراکز اور بیرون ملک 26 مقامات پر منعقد کیے گئے۔