بالی، 16 نومبر (یو این آئی) وزیر اعظم نریندر مودی نے  ڈیجیٹل ٹیکنالوجیکو ہمہ جہت بناکر غربت،  موسمیاتی تبدیلی جیسے چیلنجوں کا مقابلہ کرنے اور بنی نوع انسان کی سماجی و  اقتصادی تبدیلی لانے کے لیے کی صلاحیت پر زور دیا اور کہا کہ اگلے ایک سال  میں ہندوستان ' ترقی کے لئے ڈیٹا ' کے اصول پر عمل میں لانے کی کوشش کرے  گا۔

مسٹر مودی نے یہ بات یہاں دنیا کے 20 اقتصادی طور پر طاقتور ممالک  کے گروپ جی -20 سربراہی اجلاس کے آخری سیشن سے خطاب کرتے ہوئے کہی۔ ڈیجیٹل  تبدیلی کے موضوع پر تیسرے اور آخری سیشن میں  مسٹر  مودی نے کہا کہ ڈیجیٹل  تبدیلی ہمارے دور کی سب سے نمایاں تبدیلی ہے۔ ڈیجیٹل ٹیکنالوجیز کا مناسب  استعمال غربت کے خلاف دہائیوں سے جاری عالمی جنگ میں ہماری طاقت کو کئی گنا  بڑھا سکتا ہے۔ موسمیاتی تبدیلی کے خلاف جنگ میں ڈیجیٹل حل بھی مددگار ثابت  ہو سکتے ہیں – جیسا کہ ہم سب نے کووِڈ کے دوران دور دراز سے کام کرنے والے  اور پیپر لیس گرین آفسز کی مثالوں میں دیکھا۔وزیر  اعظم نے کہا کہ ہمیں یہ فوائد اسی وقت حاصل ہوں گے جب ڈیجیٹل رسائی حقیقی  معنوں میں جامع ہوگی، جب ڈیجیٹل ٹیکنالوجی کا استعمال حقیقی معنوں میں وسیع  پیمانے پر ہوگا۔ بدقسمتی سے، اب تک ہم نے اس طاقتور ٹول کو صرف سادہ  کاروباری پیرامیٹرز کے ذریعے دیکھا ہے، اس طاقت کو نفع و نقصان کی کتابوں  سے جوڑ کر رکھا ہے۔ ہم جی 20 رہنماؤں کی ذمہ داری ہے کہ وہ اس بات کو یقینی  بنائیں کہ ڈیجیٹل تبدیلی کے فوائد انسانیت کے ایک چھوٹے سے حصے تک محدود  نہ ہوں۔انہوں نے کہا کہ گزشتہ چند سالوں کے ہندوستان کے تجربے نے ہمیں  دکھایا ہے کہ اگر ہم ڈیجیٹل انفراسٹرکچر کو جامع بناتے ہیں تو یہ سماجی و  اقتصادی تبدیلی لا سکتا ہے۔ پیمانے اور رفتار کو ڈیجیٹل استعمال میں لایا  جا سکتا ہے۔ حکمرانی میں شفافیت لائی جا سکتی ہے۔ ہندوستان نے ایسے ڈیجیٹل  عوامی پلیٹ فارم تیار کیے ہیں جن کے بنیادی ڈھانچے میں جمہوری اصول شامل  ہیں۔ یہ حل کھلے اور عوامی ہیں، کسی تکنیکی پابندیوں سے پاک۔ ہمارا نقطہ  نظر آج ہندوستان میں ڈیجیٹل انقلاب کی بنیاد ہے۔ مثال کے طور پر، ہمارے پاس  یونیفائیڈ پیمنٹس انٹرفیس (یو پی آئی) ہے۔انہوں نے کہا کہ گزشتہ سال  دنیا کی 40 فیصد سے زیادہ ادائیگیاں یو پی آئی کے ذریعے کی گئیں۔ اسی طرح،  ہم نے ڈیجیٹل شناخت کی بنیاد پر 46 کروڑ نئے بینک اکاؤنٹس کھولے، جس سے  ہندوستان آج مالیاتی شمولیت میں عالمی رہنما بن گیا ہے۔ وبائی مرض کے دوران  بھی، ہمارے اوپن سورس کوین پلیٹ فارم نے انسانی تاریخ کی سب سے بڑی  ویکسینیشن مہم کو کامیاب بنایا۔دنیا  میں ڈیجیٹل تقسیم کو ختم کرنے کی ضرورت پر زور دیتے ہوئے، مسٹر مودی نے  کہا کہ ہندوستان میں ہم ڈیجیٹل رسائی کو عام کر رہے ہیں، لیکن بین الاقوامی  سطح پر ابھی بھی بہت بڑی ڈیجیٹل تقسیم باقی ہے۔ دنیا کے بیشتر ترقی پذیر  ممالک کے شہریوں کے پاس کسی قسم کی ڈیجیٹل شناخت نہیں ہے۔ صرف 50 ممالک میں  ڈیجیٹل ادائیگی کا نظام ہے۔وزیراعظم نے اپیل کرتے ہوئے کہا کہ کیا ہم  مل کر یہ عہد کر سکتے ہیں کہ اگلے دس سالوں میں ہر انسان کی زندگی میں  ڈیجیٹل ریفلیکشن لائیں گے، دنیا کا کوئی بھی شخص ڈیجیٹل ٹیکنالوجی کے فوائد  سے محروم نہیں رہے گا۔

 انہوں نے کہا کہ اگلے سال اپنی جی-20 صدارت کے  دوران، ہندوستان تمام جی-20 شراکت داروں کے ساتھ اس مقصد کے لیے کام کرے  گا۔ ڈیٹا فار ڈویلپمنٹ کا اصول ہماری صدارت کے موضوع 'ایک زمین، ایک  خاندان، ایک مستقبل' کا ایک لازمی حصہ ہوگا۔

یو این آئی۔ ع ا۔