نارائن پور، 2 مارچ (یو این آئی) چھتیس گڑھ کے ابوجھماد پیس ہاف میراتھن -2025 میں اتوار کو اتر پردیش کے اکشے کمار نے 21 کلومیٹر کی دوڑ 01 گھنٹہ 02 منٹ 15 سیکنڈ میں مکمل کر کے مردوں کے زمرے میں پہلا مقام حاصل کیا اور خواتین کے زمرے میں ہیویٹ زیبری و احد نے  01 گھنٹہ 13 منٹ 01 سیکنڈ کے ساتھ 21  کلومٹر کے مقابلے میں پہلی پوزیشن حاصل کی۔ ریاستی پارلیمانی امور، جنگلات اور موسمیاتی تبدیلی، آبی وسائل، ہنرمندی کی ترقی اور تعاون کے وزیر کیدار کشیپ، بھارتیہ جنتا پارٹی (بی جے پی) کے رکن پارلیمنٹ مہیش کشیپ اور دھرسیوا کے ایم ایل اے انوج شرما نے آج ابوجھماد پیس ہاف میراتھن 2025 کے چوتھے ایڈیشن میں حصہ لیا۔ یہاں بوائز ہائر سیکنڈری اسکول کے کھیل کے میدان میں صبح 5.30 بجے دوڑ کر میراتھن ریس کا آغاز کیا گیا۔ میراتھن ریس کے آغاز سے قبل ہزاروں رنرز کے وارم اپ کے لیے زومباا ڈانس کا انعقاد کیا گیا جس سے رنرز نے خوب لطف اٹھایا۔ میراتھن ریس اورچھ ترقیاتی بلاک کے گاؤں بیسنگ میں اختتام پذیر ہوئی جہاں جیتنے والے شرکاء میں انعامات تقسیم کیے گئے۔ ’ابواحمد پیس ہاف میراتھن‘ ریس میں ہزاروں رنرز نے حصہ لیا۔ اس میں مردوں کے زمرے میں اتر پردیش کے اکشے کمار اور خواتین کے زمرے میں ایتھوپیا کے ہیویٹ زیبر ی واحد نے 21 کلومیٹر کی دوڑ مکمل کر کے پہلا مقام حاصل کیا۔