لاہور، 22 فروری (یو این آئی) بلے بازی میں انگلینڈ کی سربراہی کرتے ہوئے سلامی بلے باز بینڈکٹ نے آسٹریلیا کے خلاف گروپ بی کے میچ کے دوران آئی سی سی چیمپئنز ٹرافی کی تاریخ کا اب تک کا سب سے بڑا اسکور بنایا۔بینڈکٹ نے 142 گیندوں پر 165 رنز بنا کر نیوزی لینڈ کے سابق بلے باز ناتھن ایسٹل کو پیچھے چھوڑ دیا جنہوں نے اس سے قبل سب سے زیادہ انفرادی اسکور بنایا تھا اور یہ ٹورنامنٹ کی تاریخ میں کسی بلے باز کے 150 رنز بنانے کا پہلا کارنامہ تھا۔ 17 چوکوں اور تین چھکوں کی مدد سے جارحانہ اننگز کھیلنے والے بینڈکٹ کو 48 ویں اوور میں مارنس لیبوشگن نے آؤٹ کیا۔آسٹریلیا نے ٹاس جیت کر پہلے بیٹنگ کا فیصلہ کیا لیکن پاور پلے میں بین دروشیئس کے ذریعہ دو وکٹیں لیے جانے کی وجہ سے انگلینڈ بیک فٹ پر آگیا۔ اس کے بعدبینڈکٹ نے جو روٹ کے ساتھ تیسری وکٹ کی شراکت میں 158 رنز کا اضافہ کیا۔ آسٹریلیا جہاں ایک سرے پر وقفے وقفے سے وکٹیں لینے میں کامیاب رہا، وہیں دوسرے سرے پر بینڈ ڈکٹ نے اسکور بورڈ کو مستحکم رکھا اور بالآخر لاہور میں نیا ریکارڈ بنانے میں کامیاب رہا۔