کچنگ (ملائیشیا) 22 جنوری (یو این آئی) ایو وولینڈ (48 رنز) کی اننگز کے بعد تاش واکلن اور رشیکا جسوال (تین وکٹ) کی شاندار کارکردگی کی بدولت نیوزی لینڈ نے انڈر 19 خواتین کے ٹی-20 میچوں میں سمووا کو بدھ کے دن 67 رنز سے شکست دے دی۔107 رنز کے ہدف کے تعاقب میں سمواا ٹیم کا کوئی بھی بلے باز نیوزی لینڈ کے باؤلنگ اٹیک کے سامنے نہ ٹھہر سکا۔ سمووا کی پوری ٹیم 14.2 اوورز میں 40 کے اسکور پر ڈھیر ہو گئی۔ کوئی بھی سمووا بلے باز ڈبل فیگرز تک نہیں پہنچ سکا۔ نیوزی لینڈ کی جانب سے تاش واکلین اور رشیکا جسوال نے تین تین وکٹیں حاصل کیں۔ سوفی کورٹ نے دو وکٹیں حاصل کیں۔ ہننا او کونر نے ایک بلے باز کو آؤٹ کیا۔ اس سے قبل آج سمووا ویمن انڈر 19 ٹیم نے ٹاس جیت کر پہلے گیند بازی کا فیصلہ کیا۔ بیٹنگ کے لیے آنے والی نیوزی لینڈ کی ٹیم کا آغاز انتہائی خراب رہا اور 12 کے اسکور پر اس کی تین وکٹیں گر گئیں۔ اس کے بعد انیکا ٹوڈ اور ایو وولینڈ نے اننگز کو سنبھالا۔ دونوں بلے بازوں کے درمیان تیسری وکٹ کے لیے 55 رنز کی شراکت ہوئی۔ 10ویں اوور میں اے میپو نے انیکا ٹوڈ کو 19 گیندوں پر 27 رنز پر آؤٹ کرکے اس شراکت کو توڑا۔ اس کے بعد نیوزی لینڈ کے بلے باز سمووا کے باؤلنگ اٹیک کے سامنے زیادہ دیر نہ چل سکے۔ ایو وولینڈ نے 43 گیندوں پر (48) رنز کی اننگز کھیلی۔ نیوزی لینڈ نے 17 اوورز میں نو وکٹوں پر 107 رنز بنائے۔  سمواا کی جانب سے اولیو لیفاگا نے تین اور ویرا فارانے نے دو وکٹیں حاصل کیں۔ نورا سلیمہ، مسینہ طافیہ اور اے ماپو نے ایک ایک بلے باز کو آؤٹ کیا۔