کوالالمپور، 14 جنوری (یو این آئی) ہندوستان کی انڈر 19 خواتین کرکٹ ٹیم کی کپتان نکی پرساد نے کہا کہ ٹیم ملائیشیا میں ہونے والے آئی سی سی انڈر 19 خواتین کے ٹی 20 ورلڈ کپ 2025 میں شاندار کارکردگی کا مظاہرہ کرنے اور خطاب جیتنے کے لیے مکمل طورپر  پرامید ہے۔ نکی نے یہ بات کوالالمپور کے مشہور پیٹروناس ٹوئن ٹاورز میں کیپٹنز ڈے پر 16 دیگر ٹیموں کے کپتانوں کے ساتھ ٹرافی کے ساتھ تصویر کھنچواتے ہوئے کہی۔ انہوں نے کہا، "ٹرافی کو دیکھ کر میں 2023 میں اپنی ساتھیوں کے ساتھ ہندوستانی ٹیم کی طرف سے جیتی گئی ٹرافی کو اس بار پھر سے  جیتنے  کے لیے پرجوش ہوں۔"انہوں نے کہا "کیپٹنز ڈے پر آنا اور دیگر 15 کپتانوں سے ملنا ایک بہت اچھا تجربہ تھا، اور کوالالمپور میں ٹاورز کے سامنے ایسا کرنا اسے اور بھی خاص بنا دیتا ہے" ۔ اس دوران سماو کی ٹیم کے کپتان ایوٹیا فیٹو ماپو، جو ٹورنامنٹ میں اپنا ڈیبیو کر رہی ہیں، نے اس حیرت انگیز لمحے اور تاریخی ایونٹ کا حصہ بننے پر اپنی خوشی کا اظہار کیا۔ ماپو نے کہا، "یہ ایک زبردست ملاقات تھی، دوسری لڑکیوں سے ملنا ناقابل یقین تھا۔" میرا دباؤ کچھ کم ہوا۔ انہوں نے کہا کہ یہ تجربہ اچھا تھا۔ یہ اجتماع تمام 16 کپتانوں کے لیے 18 جنوری کو گروپ مرحلے کے میچوں سے پہلے ایک جگہ جمع ہونے کا واحد موقع تھا۔ ٹورنامنٹ میں 41 میچ کھیلے جائیں گے۔ ہر گروپ سے ٹاپ تین ٹیمیں سپر سکس مرحلے میں داخل ہوں گی۔ ٹیمیں گروپ میچوں سے حاصل کردہ پوائنٹس کی بنیاد پر سیمی فائنل میں پہنچیں گی۔ ہر سپر سکس گروپ سے ٹاپ دو ٹیمیں پہلی پوزیشن حاصل کریں گی، مقابلے کا فائنل میچ 2 فروری کو ہوگا۔