نئی دہلی، 20 جولائی ۔ ارجنٹینا اپنے طلسماتی اسٹار کھلاڑی لیونل میسی کے بغیر بھی آنے والے پیرس اولمپکس میں مردوں کے فٹ بال میں ریکارڈ کے برابر تیسرا طلائی تمغہ جیتنے کی صلاحیت رکھتا ہے۔
ارجنٹینا کے ہیڈکوچ جیویر ماسچرانو، جنہوں نے 2024 اور 2008 میں ایک کھلاڑی کے طور پر گولڈ میڈل جیتا تھا، اعزاز حاصل کرنے کا ہدف لیکر چل رہے ہیں۔ انہوں نے اسٹرائیکر جولین الواریز اور ڈیفنڈر نکولس اوٹامینڈی سمیت چار ورلڈ کپ فاتحین کو اپنی ٹیم میں شامل کیا ہے۔ اولمپک مینز فٹ بال انڈر 23 ٹورنامنٹ ہے، لیکن ہر ٹیم کو تین زیادہ عمر کے کھلاڑیوں کی اجازت ہے۔
37 سالہ میسی، جنہوں نے 2008 کے بیجنگ اولمپکس میں جنوبی امریکہ کی ٹیم کو گولڈ میڈل جیتنے میں مدد کی تھی، نے بھاری کام کے بوجھ کی وجہ سے پیرس ایڈیشن میں نہیں کھیلنے کا فیصلہ کیا ہے۔
کلبوں کو اولمپک کھیلوں میں حصہ لینے کے لیے اپنے کھلاڑیوں کو چھوڑنے کی ضرورت نہیں ہے کیونکہ دیگر بڑے بین الاقوامی فٹ بال ٹورنامنٹس کے برعکس یہ کھیل فیفا کی باضابطہ بین الاقوامی ونڈو سے باہر ہوتے ہیں۔
2008 میں بارسلونا نے میسی کو بیجنگ میں کھیلنے سے روکنے کے لیے کھیلوں کے لیے ثالثی کی عدالت میں اپیل جیتی۔ یہ بتایا گیا کہ بارسلونا کے اس وقت کے ہیڈ کوچ پیپ گارڈیوولا کی مداخلت کے بعد، لا لیگا کلب نے بالآخر گرین لائٹ دے دی اور میسی نے اپنی واحد اولمپک مہم میں ارجنٹائن کے ساتھ طلائی تمغہ جیتا تھا۔ اولمپک مردوں کا فٹ بال ٹورنامنٹ ثابت شدہ ستاروں کے بجائے ابھرتے ہوئے ٹیلنٹ کے لیے ایک پلیٹ فارم کے طور پر زیادہ کام کرتا ہے، جس میں روایتی فٹ بال پاور ہاوسز ضروری نہیں کہ پسندیدہ میں سے ہوں۔
نائجیریا اور کیمرون نے بالترتیب 1996 اور 2000 میں کامیابی حاصل کی۔ 2012 میں میکسیکو نے لندن میں گولڈ میڈل جیتا جس کی ٹیم زیادہ تر ملکی کھلاڑیوں پر مشتمل تھی۔گزشتہ 20 سالوں سے اس ایونٹ میں جنوبی امریکہ کی ٹیموں کا دبدبہ رہا ہے، جس میں 2004 سے برازیل اور ارجنٹائن نے دو- دو گولڈ میڈل جیتے ہیں۔ 2016 اور 2020 میں مسلسل چیمپئنز رہا برازیل پیرس کے لیے کوالیفائی کرنے میں ناکام رہا ہے۔
، یعنی ارجنٹینا اگر اپنا تیسرا اولمپک گولڈ جیتا تو ہنگری اور برطانیہ کے ریکارڈ کی برابری کر سکتا ہے۔
ارجنٹینا کو گروپ بی میں مراکش، عراق اور یوکرین کے ساتھ رکھا گیا ہے۔ ارجنٹینا کے بعد، دو دیگر پسندیدہ فرانس اور اسپین بالترتیب گروپ اے (امریکہ، گنی اور نیوزی لینڈ کے ساتھ) اور گروپ سی (ڈومینیکن ریپبلک، مصر اور ازبکستان کے ساتھ) بالترتیب کھیلیں گی۔ گروپ ڈی میں پیراگوئے، اسرائیل، جاپان اور مالی شامل ہیں۔
اولمپک کی افتتاحی تقریب سے دو دن قبل، 24 جولائی کو جب ٹورنامنٹ شروع ہو رہا ہے تو ارجنٹائن کا سینٹ ایٹین میں اپنے افتتاحی میچ میں مراکش سے مقابلہ ہونا ہے۔ فائنل 9 اگست کو پیرس کے پارک ڈیس پرنسز میں ہوگا۔
