اجمیر، 31 مئی (یو این آئی) وزیر اعظم نریندر مودی نے کانگریس پر گارنٹی دینااس کی پرانی عادت اور صرف جھوٹ بولنے کا الزام لگاتے ہوئے کہا ہے کہ اس نے صرف گارنٹی دے کر غریبوں کے ساتھ دھوکہ دیا ہے جب کہ مرکز میں بھارتیہ جنتا پارٹی (بی جے پی) کی قیادت والی حکومت نیشنل ڈیموکریٹک الائنس (این ڈی اے) کی حکومت کے گزشتہ نو سال ملک کے لوگوں کی خدمت، گڈ گورننس اور غریبوں کی فلاح و بہبود کے لیے وقف رہے ہیں اور آج پوری دنیا میں ہندوستان کی تعریف ہو رہی ہے۔مسٹر مودی ان کی حکومت کے نو سال مکمل ہونے کے پرآج یہاں منعقدہ جلسہ عام سے خطاب کررہے تھے۔ انہوں نے کہا کہ کانگریس صرف جھوٹ بولنا جانتی ہے اور آج بھی کانگریس یہی کر رہی ہے۔ انہوں نے کہا کہ اس اجلاسسے پہلے انہیں تیرتھراج پشکر جانے کا شرف ملا۔شاستروں میں برہماجی کو زمین کا خالق کہا گیا اور ان کے آشروادسے آج ہندوستان میں نئی تعمیر کا دور چل رہا ہے اور این ڈی اے حکومت کے نو سال بھی مکمل ہو گئے ۔ بی جے پی حکومت کے یہ نو سال ملک کے لوگوں کی خدمت کے رہے ہیں، یہ نو سال گڈ گورننس کے رہے ہیں اور غریبوں کی فلاح و بہبود کے لیے وقف رہے ہیں۔انہوں نے کہا کہ ملک میں سال 2014 میں سب کا ساتھ سب کا وکاس کے لیےنئے عہد کی اپیل کی گئی تھی اس میں راجستھان نے بہت بڑا کردار ادا کیا ہے۔

 سال 2014 سے پہلے ملک میں کیا حالت تھی، ملک بھر میں عوام کرپشن کے خلاف سڑکوں پر تھے۔ بڑے شہروں میں آئے دن دہشت گردانہ حملے ہوتے تھے۔ کانگریس حکومت سرحد پر سڑکیں بنانے سے بھی ڈرتی تھی۔انہوں نے کہا کہ خواتین کے خلاف جرائم عروج پر تھے۔ کانگریس کی حکومت ریموٹ کنٹرول سے چل رہی تھی۔ کوئی فیصلے نہیں ہوتے تھے۔ پالیسیوں میں گڑبڑ تھی اور سرمایہ کاری نہیں ہو رہی تھی۔ نوجوانوں کے سامنے اندھیرا تھا۔ کانگریس حکومت عوام سے ووٹ لے کر عوام کو کوس رہی تھی۔مسٹر مودی نے کہا کہ انتہائی مایوسی کے ماحول میں سال 2014 میں عوام نے ایک ووٹ سے ترقی میںکو یقین میں بدل دیا۔ آج پوری دنیا میں ہندوستان کی تعریف ہو رہی ہیں۔ آج دنیا کے بڑے بڑے ماہرین کہہ رہے ہیں کہ ہندوستان انتہائی غربت کے خاتمے کے بہت قریب ہے۔ آخر یہ تبدیلی آئیکیسے، اس کاجواب ہے، سب کا ساتھ ، سب کا وکاس اور پسماندہ کو ترجیح۔