نئی دہلی 23 جون (یواین آئی) وزیر دفاع راج ناتھ سنگھ نے پیر کو صدر دروپدی مرمو کی 51 تقریروں کا ایک مجموعہ جس کا عنوان 'ونگ ٹو آورز ہوپس (دوسرا ایڈیشن) ہے یہاں جاری کیا اور کہا کہ یہ کتاب ترقی یافتہ ہندوستان کی تعمیر کے لیے رہنما بنے گی۔مسٹر سنگھ نے یہاں راشٹرپتی بھون میں منعقدہ ایک پروگرام میں اس کتاب کا ای-ورژن بھی جاری کیا۔ اس موقع پر مرکزی وزیر اطلاعات و نشریات اشونی وشنو اور مرکزی وزیر مملکت برائے اطلاعات و نشریات ایل مروگن بھی موجود تھے۔ یہ کتاب صدر کے دوسرے سال (اگست 2023 - جولائی 2024) کے دوران صدر کے وژن، فلسفے اور ترجیحات کو اجاگر کرتی ہے۔ 

یہ صدر کی طرف سے مختلف پروگراموں میں انگریزی اور ہندی میں دی گئی تقاریر کا مجموعہ ہے۔وزیر دفاع نے صدر کے قوم سے خطاب سے لے کر یونیورسٹیوں میں جدت، ملک کی ترقی میں خواتین کے تعاون، مساوات اور ثقافتی ورثے تک کی تقاریر کو 2047 تک ہندوستان کو ایک ترقی یافتہ ملک بنانے کے حکومت کے وژن کا نچوڑ بتایا۔ انہوں نے کہا کہ یہ کتاب ایک ترقی یافتہ ہندوستان کی تعمیر کے لیے رہنما کے طور پر کام کرے گی جب کہ صدر جمہوریہ کے ترقی پسند نظریہ کی اہمیت کو سمجھے گی۔ ہمارے ملک میں تنوع اور پسماندہ لوگوں کے درد کو پہچانتی ہے یہ کتاب مساوات کے جذبے کا اعلان کرتی ہے۔