نئی دہلی، 31 مارچ (یو این آئی) صدرجمہوریہ دروپدی مرمو نے اتوار کو سابق نائب وزیر اعظم اور بھارتیہ جنتا پارٹی کے سینئر لیڈر لال کرشن اڈوانی کی رہائش گاہ پر جا کر انہیں ملک کے سب سے بڑے شہری اعزاز بھارت رتن سے نوازا۔صدر کے سکریٹریٹ نے بعد میں سوشل میڈیا پلیٹ فارم 'ایکس پر ایک پوسٹ میں کہا، "صدر جمہوریہ دروپدی مرمو نے مسٹر لال کرشن اڈوانی کو ان کی رہائش گاہ پر بھارت رتن سے سرفراز کیا۔ اس موقع پر نائب صدرجمہوریہ جگدیپ دھنکھڑ، وزیر اعظم مسٹر نریندر مودی، وزیر دفاع مسٹرراج ناتھ سنگھ، وزیر داخلہ مسٹرامت شاہ اور مسٹر اڈوانی کے اہل خانہ موجود تھے۔ مسٹراڈوانی نے سات دہائیوں سے زیادہ عرصے سے غیر متزلزل لگن اور غیر معمولی مہارت کے ساتھ ملک کی خدمت کی ہے۔ 1927 میں کراچی میں پیدا ہونے والے مسٹر اڈوانی تقسیم کے پس منظر میں 1947 میں ہندوستان چلے آئے۔بعد میں، مسٹر مودی نے ایکس پر ایک پوسٹ میں کہا، "مسٹر لال کرشن اڈوانی جی کو بھارت رتن سے نوازے جانے کے موقع پر موجود ہونا بہت خاص ہے۔ یہ اعزاز قوم کی ترقی میں ان کے مسلسل تعاون کو تسلیم کرنے کے لیے ہے۔ عوامی خدمت کے تئیں ان کی لگن اور جدید ہندوستان کی تشکیل میں ان کے مرکزی کردار نے تاریخ میں انمٹ نشان چھوڑا ہے۔ یہ میرے لیے اعزاز کی بات ہے کہ گزشتہ کئی دہائیوں سے ان کے ساتھ کام کرنے کا موقع ملا۔صدر کے سیکرٹریٹ کی طرف سے ایک اور پوسٹ میں کہا گیا ہے، "ایک رکن پارلیمنٹ کے طور پر، مکالمے میں ان کے اعتماد نے پارلیمانی روایات کو تقویت بخشی۔ وزیر داخلہ اور نائب وزیر اعظم کے طور پر، انہوں نے ہمیشہ قومی مفاد کو مقدم رکھا جس سے پارٹی لائنوں سے بالاتر لوگوں سے ان کی عزت اور تعریف کی۔اس سے ایک دن پہلے ہفتہ کو راشٹرپتی بھون میں منعقدہ ایک تقریب میں صدر جمہوریہ نے ملک کی چار شخصیات سابق وزرائے اعظم پی وی نرسمہا راؤ اور چودھری چرن سنگھ، بہار کے سابق وزیر اعلیٰ کرپوری ٹھاکر اور عظیم زرعی سائنسدان ڈاکٹر ایم ایس سوامی ناتھن کو بعد از مرگ ملک کے اعلیٰ ترین اعزاز سے نوازا گیا تھا۔ وہ آزادی کے بعد ان چند سیاسی رہنماؤں میں سے ایک ہیں جو قومی ترجیحات کو از سر نو ترتیب دینے اور ملک کو ترقی کی راہ پر گامزن کرنے میں کامیاب رہے۔