کیف، 24 مارچ (یو این آئی) یوکرین کے صدر ولادیمیر زیلنسکی نے جمعرات کو روسی حملے کو ایک ماہ مکمل ہونے پر دنیا کے تمام ممالک سے حملہ آور ملک کے خلاف احتجاجی مظاہرہ کرنے کی اپیل کی۔ایوننگ اسٹینڈرڈ نے جمعرات کو یہ معلومات دی۔ مسٹر زیلنسکی نے اپنے ویڈیو پوسٹ میں پوری دنیا کے لوگوں سے سڑکوں پر نکلنے اور یوکرین کے ساتھ یکجہتی کا اظہار کرنے کی درخواست کی۔ انہوں نے کہا کہ روس نہ صرف یوکرین کے خلاف بلکہ ہر جگہ لوگوں کی آزادی کے خلاف جنگ چھیڑ رہا ہے اور خطے کے امن کو خطرہ بنا رہا ہے جس کے دیگر جگہوں پر سنگین نتائج ہو سکتے ہیں۔مسٹر زیلینسکی 24 فروری کو جنگ شروع ہونے کے بعد سے مختلف سوشل میڈیا پلیٹ فارمز پر اپنے رات کے ویڈیو پیغامات پوسٹ کر رہے ہیں جن میں اپنے لوگوں کے دکھ، روسی فوج کے ہاتھوں اپنے ملک کی تباہی اور روس کے خلاف حمایت حاصل کرنے کو دکھایا گیا ہے۔ مسٹر زیلنسکی کی یہ اپیل ایسے وقت میں سامنے آئی ہے جب برطانیہ کے وزیر اعظم بورس جانسن یوکرین کی تازہ ترین صورتحال پر تبادلہ خیال کے لیے برسلز میں اپنے ساتھی ناٹو رہنماؤں سے ہنگامی سربراہی اجلاس میں ملاقات کر رہے ہیں۔