نئی دہلی، 24 اپریل (یو این آئی) حکومت کل جماعتی میٹنگ میں پہلگام حملے سے متعلق تمام سیاسی جماعتوں کو تفصیلی جانکاری دے رہی ہے۔ کچھ دیر پہلے شروع ہونے والی میٹنگ کی صدارت وزیر دفاع راج ناتھ سنگھ کررہے ہیں۔ ان کے علاوہ مرکزی وزیر داخلہ امت شاہ، وزیر خارجہ ڈاکٹر ایس جے شنکر، وزیر خزانہ نرملا سیتا رمن، پارلیمانی امور کے وزیر کرن رجیجو اور بھارتیہ جنتا پارٹی کے صدر جگت پرکاش نڈا میٹنگ میں شریک ہیں۔ کانگریس کے صدر ملکارجن کھڑگے، لوک سبھا میں قائد حزب اختلاف راہل گاندھی، سماج وادی پارٹی کے رام گوپال یادو، عام آدمی پارٹی کے سنجے سنگھ، نیشنلسٹ کانگریس کے شرد کی سپریا سولے، ترنمول کانگریس کے سدیپ بندوپادھیائے، آر جے ڈی کے پریم چند گپتا اور دیگر لیڈران کے علاوہ داخلہ سکریٹری گووند موہن اور خفیہ بیورو کے ڈائرکٹر تپن ڈیکا بھی میٹنگ میں حصہ لے رہے ہیں۔