پیرس، 25 اپریل (یو این آئی/ژنہوا) فرانسیسی صدر ایمانوئل میکرون نے اتوار کی شب فرانسیسی وزارت داخلہ کی طرف سے جاری کردہ ابتدائی نتائج کے مطابق 18,779,641 ووٹوں یا درست ووٹوں کے 58.54 فیصد کے ساتھ صدارتی انتخاب جیت لیا۔مسٹر میکرون کی حریف، دائیں بازو کی امیدوار میرین لی پین نے 13,297,760 ووٹ ، یا 41.46 فیصد ووٹ ملے۔وزارت نے کہا کہ 48,752,500 شہریوں نے ووٹ ڈالنے کے لیے اندراج کیا تھا لیکن صرف 35,096,391 ووٹرز نے پولنگ کے دوران اپنا ووٹ ڈالا، جو کہ 28.01 فیصد کی غیر حاضری کی شرح کو ظاہر کرتا ہے۔صدارتی انتخابات کے حتمی نتائج کا اعلان فرانس کی آئینی کونسل سے تصدیق کے بعد کیا جائے گا۔2017 میں، مسٹر میکرون اور محترمہ لی پین نے فرانسیسی صدارت کے لیے مقابلہ کیا، مسٹر میکرون 66.1 فیصد ووٹ لے کر منتخب ہوئے۔اپنی جیت کے اجتماع میں، مسٹر میکرون اپنی اہلیہ کا ہاتھ پکڑ کر ، بیتھوون کے یورپی ترانے ’اوڈ ٹو جوئے‘ کے ساتھ، نوجوانوں سے گھرے ہوئےچیمپس دی مارچ  میں داخل ہوئے۔مسٹر میکرون نے کہا کہ اگلے پانچ سالوں کے لیے ان کی خواہش فرانس کو مزید خود مختار بنانا، ایک مضبوط یورپ کی تعمیر اور "فرانس کو ایک عظیم ماحولیاتی قوم" بنانے کے لیے ملک میں سرمایہ کاری جاری رکھنا ہے۔اپنی تقریر میں، انہوں نے شہریوں کے بیدار ہونے کی قسم کھائی،جنہوں نے مسٹر لی پین کو ووٹ دیا ہے، اورلوگوں کا شکریہ اداکیا جنہوں نے  دوسرے راؤنڈ میں انتہائی دائیں بازو کی پارٹی کے خلاف ووٹ دیا۔مسٹر میکرون نے کہا کہ میں کسی پارٹی کا امیدوار نہیں ہوں بلکہ سب کا صدر ہوں۔ انہوں نے اپنے حامیوں سے کہا کہ ان کی اگلی مدت ان کی پہلی پانچ سالہ مدت کا تسلسل نہیں ہوگی۔انہوں نے کہا کہ مجھے دوبارہ خدمت کرنے پر بہت فخر ہے۔