نئی دہلی، 17 اگست (یو این آئی) مہاراشٹر کے گورنر سی پی رادھا کرشنن نیشنل ڈیموکریٹک الائنس (این ڈی اے) کے نائب صدر کے امیدوار ہوں گے۔اتوار کی شام بھارتیہ جنتا پارٹی (بی جے پی) کے پارلیمانی بورڈ کی میٹنگ میں اس سلسلے میں متفقہ طور پر فیصلہ لیا گیا۔ اس میٹنگ میں وزیر اعظم نریندر مودی، بی جے پی صدر جے پی نڈا، وزیر داخلہ امت شاہ، وزیر دفاع راج ناتھ سنگھ اور بورڈ کے دیگر اراکین موجود تھے۔میٹنگ کے بعد مسٹر نڈا نے پارٹی ہیڈکوارٹر میں ایک پریس کانفرنس میں بتایا کہ مسٹر رادھا کرشنن کو متفقہ طور پر این ڈی اے امیدوار کے طور پر منتخب کیا گیا ہے۔ انہوں نے کہا کہ اس سلسلے میں این ڈی اے میں شامل دیگر جماعتوں کے ساتھ بات چیت ہوئی ہے اور اپوزیشن جماعتوں سے بھی بات چیت کی جائے گی۔ انہوں نے کہا کہ ہم چاہتے ہیں کہ نائب صدر بلامقابلہ منتخب ہوں۔ انہوں نے تمام ممبران پارلیمنٹ سے مسٹر رادھا کرشنن کی حمایت کرنے کی اپیل کی۔مسٹر سی پی رادھاکرشنن فی الحال مہاراشٹر کے گورنر کے عہدے پر فائز ہیں۔ انہيں31 جولائی 2024 کو مہاراشٹر کا گورنر بنایا گیا تھا۔ اس سے قبل وہ جھارکھنڈ کے گورنر رہ چکے ہيں۔