نئی دہلی ،14؍اگست: صدر جمہوریہ دروپدی مرمو 79ویں یوم آزادی کی قبل شام قوم کو خطاب کیا۔ 24منٹ کے خطاب میں انہوں نے آپریشن سندور، کشمیر ریل پروجیکٹ، ترقیات ، جمہوریت اور معیشت جیسے موضوعات پر بات رکھی۔ انہوں نے کہاکہ اس سال ہمیں دہشت گردی کا درد برداشت کرنا پڑا۔ پہلگام حملہ بزدگلانہ اور غیر انسانی تھا۔ اس کے جواب میں آپریشن سندور میں فوج نے سرحد پار دہشت گردی کے ٹھکانوں کو تباہ کیا۔ یہ خود کفیل بھارت مشن کے امتحان کا بھی موقع تھا۔ انہوں نے کہاکہ کشمیر میں ریل خدمات ایک بڑی حصولیابی ہے۔ اس سے اس علاقے میں تجارت اور سیاحت کو فروغ حاصل ہوگا۔ وہیں 55 کروڑ لوگوں کو آیوشمان اسکیم کا فائدہ حاصل ہوا۔