نئی دہلی، 12 اگست (یواین آئی) کانگریس صدر ملکارجن کھڑگے نے وزیر اعظم نریندر مودی کا نام لیے بغیر ان پر حملہ کرتے ہوئے کہا کہ جو لوگ ووٹ چوری کرکے اقتدار میں ہیں، انہیں اپنی سیٹیں چھوڑ دینی چاہیے۔بہار میں ووٹ چوری اور ووٹر لسٹ کی خصوصی نظرثانی کے خلاف پارلیمنٹ ہاؤس کے احاطے میں ممبران پارلیمنٹ کے احتجاج میں شامل ہونے کے بعد مسٹر کھڑگے نے سوشل میڈیا پر ایک ویڈیو پوسٹ کیا اور مسٹر مودی پر سیدھا حملہ کرتے ہوئے کہا کہ 'ووٹ چوروں کو تخت چھوڑ دینا چاہئے۔کانگریس صدر نے کہاکہ "ووٹ چوروں، تخت چھوڑ دو، انڈیا اتحاد کا آج ایک بار پھر پارلیمنٹ میں احتجاج۔"لوک سبھا کے اپوزیشن لیڈر راہل گاندھی نے بھارتیہ جنتا پارٹی (بی جے پی) پر الیکشن کمیشن کے ساتھ ملی بھگت سے ووٹ چوری کرنے کا الزام لگایا ہے، جس پر پیر کو انڈیا الائنس کے 300 سے زیادہ ممبران پارلیمنٹ نے پارلیمنٹ سے الیکشن آفس تک مارچ کیا۔ اس دوران سینکڑوں ارکان پارلیمنٹ کو حراست میں لے لیا گیا۔منگل کو انڈیا الائنس کی مختلف پارٹیوں کے ممبران پارلیمنٹ کے ساتھ ساتھ کانگریس پارلیمانی پارٹی کی لیڈر سونیا گاندھی، پرینکا گاندھی واڈرا، ڈی ایم کے کے ٹی آر بالو، آر جے ڈی کے منوج جھا نے پارلیمنٹ ہاؤس کمپلیکس میں شمولیت اختیار کی۔

لوک سبھا میں قائد حزب اختلاف راہل گاندھی نے کہاکہ "ہم آئین کی حفاظت کر رہے ہیں۔ ایک شخص ایک ووٹ آئین کی بنیاد ہے۔ ایک شخص ایک ووٹ کو نافذ کرنا الیکشن کمیشن کی ذمہ داری ہے لیکن اس نے اپنا کام نہیں کیا۔ ہم آئین کی حفاظت کر رہے ہیں اور کرتے رہیں گے۔ ایک کیس 124 سالہ  منٹا دیوی کا ہے۔ ایسے کئی کیس سامنے آنے والے ہیں۔"کانگریس جنرل سکریٹری پرینکا گاندھی واڈرا نے کہاکہ "ہم ووٹ چوری کے خلاف احتجاج کر رہے ہیں۔ راہل گاندھی جی نے کہا ہے کہ ووٹر لسٹ میں تمام نام اور پتے فرضی ہیں۔"