نئی دہلی، 10 اگست (یو این آئی) کانگریس کے سابق صدر اور لوک سبھا میں قائدِ حزبِ اختلاف راہل گاندھی نے ’ووٹ چوری‘ کو جمہوریت پر حملہ قرار دیتے ہوئے اس معاملے پر مزید جارحانہ موقف اپناتے ہوئے اس کے خلاف مسڈ کال عوامی مہم شروع کی ہے۔مسٹر گاندھی نے اتوار کو ایک سوشل میڈیا پوسٹ میں فون نمبر 9650003420 جاری کرکے  چوری کے خلاف عوامی حمایت حاصل کرنے کے لیے  لوگوں سے مس کال کرنے کی اپیل کی گئی۔انہوں نے کہا ’’ووٹ چوری ’ایک شخص، ایک ووٹ‘ کے بنیادی جمہوری اصول پر حملہ ہے۔ آزادانہ اور منصفانہ انتخابات کے لیے صاف ستھری ووٹر لسٹ لازمی ہے۔ الیکشن کمیشن سے ہماری مانگ واضح ہے — شفافیت دکھائیں اور ڈیجیٹل ووٹر لسٹ عوام کے لیے جاری کریں تاکہ عوام اور سیاسی جماعتیں اس کا خود آڈٹ کر سکیں۔‘‘عوام سے اس مہم میں شامل ہونے کی اپیل کرتے ہوئے مسٹر گاندھی نے کہا ’’آپ بھی ہمارے ساتھ جڑ کر  ووٹ چوری کے خلاف  لڑائی میں  ہمیں اپنا تعاون دیں اور votechori.in/ekdemand پر  جائیں یا 9650003420 پر مس کال کریں۔ یہ جمہوریت کے تحفظ کی لڑائی ہے۔‘‘